"நம்மாழ்வார்" - பரிதி வருங்கால உழவன் (கவிதை)

-
"நம்மாழ்வார்" - பரிதி வருங்கால உழவன்

தன்னை உதிர்த்து
மண்ணை உயிர்த்தவன்!
ஒவ்வோர் உயிர்க்குள்
தன்னைக் கரைத்தவன்!

உழவன் யார்க்கும்
உறவாய்த் தெரிபவன்!
மண்ணைக் காக்கவே
மற்போர் கண்டவன்!

மந்தையைக் காட்டி
சிந்தையைத் தெளிவித்தான்!
தந்தையைப்போல
தாய்மண் அதைக் காத்தான்!

மரபின் வழியை
யார் மறித்தாலும்...
இவன் விழி
அவனை எரிக்கும்!

இயற்கையை மாற்றும்
சொல்லெழுந்தாலே...
பதில் மொழி
அனலாய்த் தெறிக்கும்!

பாலைக்கொடுத்து
உயிரை வளர்க்கும்
நம்வீட்டின் பசு!
இவன்,
பயிர் வளர்க்கவே
உயிரை இழந்த
இம்மண்ணின் சிசு!

அன்று
நீயும் நானும் அறியாதவன்...
இன்று
உனக்கும் எனக்கும்
முதலிறைவன்!

இதுவரை
நான் அவரைக் கண்டதில்லை!
அதனால்,
அவர் இல்லையென்றாலும்
எனக்கு கவலையில்லை!

என்னளவில்...
அவர் எழுத்தே உரு!
உன் சிந்தையே கரு!

அவரை இயற்கை வேளாண் விஞ்ஞானி எனச்சொல்வது அவரது பேரறிவை சுருக்கும் செயல். ஆகச்சிறந்த அறியாமை. இதை இறைவி சிந்தனைக்களம் கடுமையாக எதிர்க்கிறது. ஒட்டுமொத்த வாழ்வியலையும் பேசிய பேரறிஞன். தனது பேச்செங்கும், வாழ்வெங்கும் தத்துவங்களை இறைத்து வாழ்ந்த தமிழ் இறை. அவன் ஒரு இயற்கை வழி வாழ்வியல் விஞ்ஞானி..!

பேரன்புகள்!

- இறைவி சிந்தனைக்களம்

 காணொலி வடிவில் பார்க்க இங்கே அழுத்தவும்...

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

யட்சி - யட்சன்

-
படம்
 யட்சி - யட்சன் "Every part of the cosmos  draws towards its mate..!" என்று ரூமியின் கவிதை ஒன்று உண்டு. இதற்கு மிகப்பொருந்தும் ஒற்றைச்சொல்தான் யட்சி - யட்சன். யட்சி என்றால் கண்ணுடையவள், இரவில் கண்ணுடையவள் என்று பொருள். இதே ஆண்பாலுக்கென்றால் யட்சன். கண்ணுடையவன், இரவில் கண்ணுடையவன் என்று பொருள். இரவு என்பது எல்லா பொருளையும் தின்று செரித்துவிடும் ஒன்று. இரவினால் செரிக்கமுடியாத ஒன்றே ஒன்று ஒளி. ஒளியை மட்டும் செரிக்கமுடியாமல் வெளித்தள்ளிவிடும்.  உலகின் எல்லா மனித உயிருக்கும் கண்ணிருக்கிறது. அப்புறம் ஏன் கண்ணுடையவள் என்பதற்கு ஒரு தனிச்சொல்? எந்த மனிதனுக்கும் இருட்டில்/இரவில் கண் தெரியாது. அப்புறம் ஏன் இரவில் கண்ணுடையவள் என்று ஒரு சொல்? ஒவ்வொரு மனிதருக்கும் வெளியே காட்டி வெளிப்படும் ஒன்றும், உள்ளே மறைத்துவைத்திருக்கும் ஒன்றும் இருக்கும். உள்ளிருப்பதென்பது இருளுக்குள் கிடப்பது. உதாரணத்திற்கு, யாரிடமும் குரலுயர்த்திகூட பேசாத, ஒரு ஆழ்ந்த உணர்வுக்கு அவனிடம் வார்த்தைகள் தொலைந்து கண்ணீரே மிஞ்சும் ஒரு ஆண் இருக்கிறான் என்று வைத்துக்கொள்ளுங்கள். ஊரிலுள்ள பெண்கள் அவனை கோழை என்று சொல்லும்ப...
மேலும் படிக்கவும்

பொருளிலார்க்கு இவ்வுலகம் இல்லை? - பரிதி

-
அ பொருளிலார்க்கு இவ்வுலகம் இல்லை? [ பொதுவாக எனக்கிருக்கும் சில பழக்கங்களில் ஒன்று தனிமையில் இருக்கும்போது கண்களை மூடிக்கொண்டு மனதுக்கு பிடித்த யாரோடாவது மனதுக்குள் பேசத்தொடங்குவேன். எப்போதாவது நிச்சயம் உங்களோடும் பேசியிருப்பேன். பெரும்பாலானோருக்கு இது ஒரு பழக்கம்தான். அப்படி ஒரு முறை திருவள்ளுவரோடு பேசியபோது திருக்குறளில் எனக்கிருக்கும் ஒரு சந்தேகத்தை அவரிடம் கேட்டதற்கு அவர் தந்த பதில்தான் இந்த கட்டுரை… ]                               “ஐயா, உலகப்பொதுமறை தந்த உங்களுக்கு வாழ்வியலின் சகல விடயங்களையும் பேசவேண்டிய தேவை இருக்கும் என்பது எனக்குப்புரிகிறது. ஆனால், உலகின் நடைமுறைகளைத்தாண்டி ஞானத்தின் பாதையை அறிந்த நீங்கள் ஒன்றை தவறாக எங்களுக்கு சொல்லிச்சென்றிருப்பதாக நான் உணர்கிறேன்” என்றேன் நான். “அப்படி என்னப்பா, கொஞ்சம் எனக்கு விளக்கமாகச்சொல்…” என்றார் திருவள்ளுவர். 247வது குறளாக வரும்… அருள்இல்லார்க்கு அவ்வுலகம் இல்லை பொருள்இலார்க்கு இவ்...
மேலும் படிக்கவும்

தமிழ்த்திருமணம் - மின்னூல் & முழு ஒலித்தொகுப்பு

-
படம்
    ஒரு எளிய தமிழ்த்திருமணமுறையை கையேடு வடிவிலும், முழு ஒலிக்கோப்பாகவும் இங்கே அளிப்பதில் மகிழ்ச்சி..! இது முதல் முயற்சியே. இதை இன்னும் மெருகூட்ட உங்கள் எண்ணங்களையும் வேண்டுகிறோம்.  - இறைவி சிந்தனைக்களம் ஒலிக்கோப்பு :  தமிழ்த்திருமணம் - முழு ஒலித்தொகுப்பு(48MB) மின்னூல் : தமிழ்த்திருமணம் - மின்னூல் வடிவில்(1.7MB)   நன்றி : ஒலிக்கோப்புகள் வலையொலியிலிருந்து இறக்கப்பட்டு தொகுக்கப்பட்டது. 
மேலும் படிக்கவும்